Malinin müdafiə naziri evində öldürüldü

Malinin müdafiə naziri general Sadio Kamara aprelin 25-də başladılan kütləvi hücumlar zamanı öldürülüb.

Avtosfer.az xəbər verir ki, məlumatı “Əl-Cəzirə” və “Jeune Afrique” saytları hərbi mənbələrə istinadla yayıb. Məlumata görə, nazir paytaxt bamako yaxınlığındakı evində kamikadze avtomobilin hücumu nəticəsində həlak olub. Partlayışın gücündən xüsusi mühafizə zonasında olan ev tamamilə dağılıb.

Hökumət məsələ ilə bağlı rəsmi açıqlama vermir. Prezident Asimi Qoitanın yeri məlum deyil.

Aprelin 25-dən etibarən İslama dəstək Qrupu (Əl-Qaidənin qolu) və Azavatın Azadlıq Cəbhəsi Malinin Bamako, Kati, Qao, Kidal, Sevare və Mopti şəhərlərinə eyni anda hücum edib.  Bu, 2012-ci ildən indiyədək ən şiddətli və koordinasiyalı hücum hesab edilir. Kidal şəhərinin qubernatoru qaçıb.

Vüqar