Masazırda nənəsiylə yolu keçən məktəbli qız qəzadan son anda xilas oldu - VİDEO

Abşeron rayonu Masazır qəsəbəsində yola qaçan məktəbli qəzanın bir addımlığından dönüb.
Avtosfer.az-ın məlumatına görə, hadisə mayın 26-da saat 20:00 radələrində qeydə alınıb. Nənəsilə yolun hərəkət hissəsindən keçən azyaşlı qız qəza riski yaradıb. Belə ki, o, hərəkətdə olan “Mercedes” markalı maşına fikir vermədən yola qaçır. Bu zaman məktəbli anidən dayanır və yaranmış təhlükəni görən sürücü də sağa manevr edir. Xoşbəxtlikdən qəza baş vermir. Videoya diqqətlə baxsaq ərazidə piyada keçidi işarəsinin olduğunu görərik. Lakin insanlar özləriylə yanaşı həm övladlarını, həm də sürücüləri təhlükəyə atırlar.
Qeyd edək ki, hadisənin görüntüsü sosial şəbəkədə qınaq obyektinə çevrilib.

Nərmin