Məscid çökdü: 3 ölü, 7 yaralı

Nigeriyanın cənub-qərbində yerləşən Laqos əyalətində məscidin çökməsi nəticəsində azı üç nəfər ölüb, yeddi nəfər isə ağır yaralanıb.

Avtosfer.az “Azərtac”a istinadla xəbər verir ki, Laqos fövqəladə hallar idarəsinin məlumatına görə, xilasetmə əməliyyatı artıq yekunlaşıb. Məscid binasının yolu təmizləyən ekskavator tərəfindən uçurulduğu bildirilir. Yerli media çökmə zamanı binada çoxlu insanın olduğunu, lakin onların əksəriyyətinin qəzadan sağ-salamat qurtardığını qeyd edib.