Miqrant daşıyan qayıq aşıb, 40-dan çox insan itkin düşüb

Liviya sahilləri yaxınlığında Aralıq dənizində rezin qayığın aşması nəticəsində azı 42 miqrant itkin düşmüş və həlak olmuş hesab edilir.

Avtosfer.az-ın xarici mətbuata istinadən verdiyi məlumatına görə, bu barədə Miqrasiya üzrə Beynəlxalq Təşkilat məlumat yayıb.

Təşkilatın məlumatına görə, itkin düşənlər arasında 29 Sudan, 8 Somali, 3 Kamerun və 2 Nigeriya vətəndaşı var.

Bildirilib ki, açıq dənizdə yeddi sərnişin möcüzəvi şəkildə sağ qalmağı bacarıb.