Müayinəyə xəstə aparırdı, özü xəstəxanalıq oldu – FOTO

Biləsuvar rayonunda yol qəzası baş verib.

Avtosfer.az  qafqazinfo-ya istinadən xəbər verir ki, hadisə rayonun Heydər Əliyev prospektində klinikanın qarşısında qeydə alınıb.

“Mercedes Vito” markalı mikroavtobus qarşıdan gələn “VAZ 2106” markalı minik avtomobilinə çırpılıb.

Qəzada “Jiquli”nin sürücüsü sıxılı vəziyyətdə maşından çıxarılaraq Biləsuvar Rayon Mərkəzi Xəstəxanasına çatdırılıb.

Qeyd edək ki, Masallıdan olan sürücü Rüstəmov Vəlihəddin Kamal oğlu rayonda fəaliyyət göstərən klinikaya xəstə aparırmış. Elə hadisə maşınla klinikanın həyətinə daxil olmaq istəyərkən olub.

Faktla bağlı araşdırma aparılır.