Naxçıvanda avtomobillə 85 yaşlı qadını vurub qaçdı, saxlanıldı

Naxçıvanda avtomobillə 85 yaşlı qadını vurub qaçan sürücü saxlanılıb.

Avtosfer.az report-a istinadən xəbər verir ki, Naxçıvan Muxtar Respublikası (MR) Babək rayonunun Zeynəddin kəndində piyadanın vurulması ilə nəticələnən yol-nəqliyyat hadisəsi baş verib.

Bildirilib ki, "Qaz 24-10" markalı avtomobil Zeynəddin kənd sakini, 1939-cu il təvəllüdlü Almaz Məmmədovanı vurub və hadisə yerindən qaçıb.

Polis əməkdaşlarının keçirdiyi əməliyyat-axtarış tədbirləri nəticəsində qəzanı törətməkdə şübhəli bilinən avtomobilin sürücüsü Z.Vəliyev saxlanılaraq istintaqa təhvil verilib.

Xəsarət alan A.Məmmədova Naxçıvan Muxtar Respublika Xəstəxanasında yerləşdirilib, vəziyyəti orta-ağırdır.