Naxçıvanda restoranda 29 yaşlı qadın bıçaqlandı

Naxçıvan şəhərində 29 yaşlı qadın bıçaqlanıb.

Avtosfer.az xəbər verir ki, hadisə şəhərdə yerləşən restoranların birində qeydə alınıb.

Belə ki, yaranan insident zamanı həmin restoranda ofisiant kimi işləyən Beyləqan şəhər sakini, 1995-ci il təvəllüdlü Quliyeva Nərmin Musa qızı bıçaqlanıb.

O, Naxçıvan Muxtar Respublika Xəstəxanasının Travmatalogiya şöbəsinə yerləşdirilib, vəziyyəti orta-ağırdır.

İlkin məlumata görə, hadisəyə səbəb restoranda masaları toplamaq üstündə olub. Hadisəni törədən Karaca Burhan Mustafa Oğlu saxlanılıb.

Faktla bağlı araşdırma aparılır.

(APA)