Nübarda yol çala-çuxur içindədir – Sakinlər illərdir əziyyət çəkir - VİDEO

Abşeron rayonu, Nübar qəsəbəsində yolun vəziyyəti sakinlərin narazılığına səbəb olub.

Avtosfer.az-ın məlumatına görə, qəsəbə sakinlərindən biri yolun hazırkı vəziyyəti ilə bağlı sosial şəbəkə hesabında paylaşım edib.

Kadrlardan göründüyü kimi, yolun asfalt örtüyü yoxdur. Ərazidə dərin çuxurlar və iri daşlar var. Xüsusilə əlverişsiz hava şəraitində yol palçığa qərq olur ki, bu da həm sürücülərin, həm də piyadaların hərəkətini çətinləşdirir.

Şikayətçinin sözlərinə görə, qəsəbədə bu problem uzun müddətdir mövcuddur. Buna baxmayaraq, aidiyyəti qurumlar tərəfindən yolun bərpası istiqamətində hər hansı tədbir görülməyib.

Nərmin