On beş illik məhkəmə iddiasını qazandı - 7 milyon avro təzminat aldı

Yapon şirkəti "Nintendo" lisenziyasız "Wii" kontrollerlərinin istehsalçısına qarşı 15 illik məhkəmə mübarizəsində qalib gəlib. Avtosfer.az "Qaynarinfo"ya istinadən xəbər verir ki, Almaniya məhkəməsi "BigBen" Interactive" (indiki "Nacon") şirkətinə 7 milyon avro təzminat, faiz və məhkəmə xərcləri ödəməyi əmr edib. Qərar "Nintendo"nun "Wii" kontroller texnologiyasını qoruyan Avropa patentinin pozulmasına əsaslanır. Məhkəmə cavabdehin məhsullarının alıcılarının digər üçüncü tərəf aksesuarlarını seçə biləcəyi barədə arqumentlərini rədd edərək, onların da eyni patenti poza biləcəyini bildirib. "Nintendo"nun vəkilləri qeyd edirlər ki, hökm xüsusilə əhəmiyyətlidir, çünki Almaniya patent qanunvericiliyində ayrıca zərərin ödənilməsi prosedurları nadir hallarda olur. Məhkəmə saxta "BigBen məhsulları olmasaydı, "Nintendo"nun özü bütün bu satışları həyata keçirə bilərdi. Məhkəmə tərəfindən təyin edilmiş ekspertin rədd edilməsi də daxil olmaqla, cavabdehin hərəkətləri səbəbindən iş dəfələrlə təxirə salınıb. Nəticədə, gecikmiş ödəniş üçün hesablanmış faizlər son ödəniş məbləğini əhəmiyyətli dərəcədə artırdı. "Nacon" qərardan apelyasiya şikayəti vermək niyyətindədir. Bu arada, ABŞ Patent və Ticarət Nişanları İdarəsi "Nintendo"nun döyüşdə köməkçi personajın çağırılması ilə bağlı oyun mexanikası üçün əvvəllər verilmiş patentini nəzərdən keçirməyə başlayıb. Bu, gələcəkdə onun etibarsız sayılmasına səbəb ola bilər.