Onlar da narkotik əməliyyatında saxlanıldılar

Türkiyədə şou-biznes və media nümayəndləri arasında narkotik vasitələrin istifadəsi və yayılması ilə bağlı aparılan genişmiqyaslı istintaq davam edir. Avtosfer.az “Qafqazinfo”ya istinadən xəbər verir ki, İstanbul Baş Prokurorluğunun göstərişi ilə keçirilən xüsusi əməliyyat zamanı “Miss Turkey 2016” gözəllik müsabiqəsinin qalibi, model Buse İskenderoğlu və “Ege!” ləqəbli reper Ege Karataşlı saxlanılıb.

Xatırladaq ki, bundan öncə narkotik cinayətləri ilə mübarizə şöbəsinin əməkdaşları tərəfindən həyata keçirilən eyni əməliyyat çərçivəsində, “Habertürk TV”nin keçmiş baş redaktoru Veyis Ateş, Mehmet Akif Ersoy, “Süzer Holding”in vəliəhdi Ali Baran Süzer və sosial media fenomeni Taner Çağlı da nəzarətə götürülüb. Şübhəlilərə qarşı “narkotik vasitələrin ticarəti”, “istifadəni asanlaşdırmaq” və “şəxsi istifadə üçün narkotik saxlama” kimi ağır ittihamlar irəli sürülüb.