Polis maşını yaxınlığında bomba partladı -  3 polis əməkdaşı öldü

Pakistanın şimal-qərbində polis maşınının yaxınlığında bomba partlayıb, üç polis əməkdaşı həlak olub.

Avtosfer.az xarici mediaya istinadən xəbər verir ki, bu barədə yerli polis məlumat yayıb.

Partlayış Əfqanıstan sərhədi yaxınlığında Xayber-Paxtunxva əyalətinin Dera-İsmail-Xan rayonunda baş verib.

"Partlayış əldəqayırma partlayıcı qurğunun işə düşməsi nəticəsində baş verib", - rayon polis idarəsinin nümayəndəsi Yakub Zülkarnayn bildirib.

O həmçinin qeyd edib ki, polis təqsirkarları axtarır, iş hərtərəfli araşdırılır.