Qadın sürücünün vurduğu Özbəkistan vətəndaşı öldü

Abşeronda avtomobilin vurduğu Özbəkistan vətəndaşı 11 gün sonra ölüb.

Avtosfer.az lent.az-a istinadən xəbər verir ki, hadisə oktyabrın 7-də Xırdalan şəhərində "AAAF Park" yaşayış kompleksində başa verib.

Zümrüd Paşayeva idarə etdiyi "Mercedes" markalı avtomobillə hərəkətdə olarkən Özbəkistan vətəndaşı Viktoriya Qroxotovanı vurub.

Piyada aldığı xəsarətlərdən Kliniki Tibbi Mərkəzə yerləşdirilib. Görülən tədbirlərə baxmayaraq, yaralı oktyabrın 18-də orada ölüb.

Faktla bağlı cinayət işi başlanılıb.