Qarajın önünü zəbt edən sahibkar səkiyə tumba quraşdırıb zəncirlədi - FOTO

Paytaxtda növbəti dəfə səkilərlə bağlı özbaşınalıq müşahidə edilib.

Avtosfer.az xəbər verir ki, hadisə paytaxtın Xətai rayonu Nəsib bəy Yusifbəyli küçəsində yenicə tikilən beşmərtəbəli qarajın qarşısında piyadaların hərəkət hissəsi özəlləşdirilib. Qarajın qarşısındakı səki əvəlcə kəsilərək parkinq zonası kimi ayrılıb. Daha sonra sahibkar dövlət qurumlarını aldada bilmək üçün həmin hissəyə metal tumbalar quraşdırıb.

Bununla da kifayətlənməyən sahibkar sanki daha əvvəldən edilibmiş kimi, həmin tumbaları zəncirlə də birləşdirib. Azı 2 metrlik səkini kəsib piyadalar üçün 50-60 santimetr yer qoyan qaraj sahibi aidiyyəti qurumların məsələyə göz yumacağını ümid edib. Sonradan yaradılan yol çiyninin qarşısının tumbalarla tutulmasına baxmayaraq, bardürlər hələ də bərpa edilməyib. Sahibkarın həmin hissədə gələcəkdə nələr planlaşdırdığı isə vətəndaşları narahat edir.

Sakinlər aidiyyəti qurumların tezliklə yaranan vəziyyəti nəzarətə götürməsini tələb edir.

Səfər