Qızı telefona görə atasını küçədə sürüdü – “Mənə niyə “iPhone” almamısan? ” - VİDEO

Çində qız ona “iPhone” almadığı üçün atasını diz çökdürməyə məcbur edib.

Avtosfer.az xəbər verir ki, bu barədə Çin mediasında məlumatlar dərc olunub.

Belə ki, atasının ona “iPhone” almamasından əsəbiləşən qız küçədə, yoldan keçənlərin gözü qarşısında mübahisə edib. Qız atasına qışqıraraq “Digər valideynlər uşaqlarına “iPhone” ala bilirlər. Niyə pulun yoxdur?” deyib. Sonda qız yalnız bir şərtlə, yəni atası diz çöküb üzr istəyərsə onu bağışlaya biləcəyini bildirib. Hadisə şahidlərindən biri baş verənləri lentə alıb sosial şəbəkələrdə yayımlayıb.

Kadrlar yerli sosial şəbəkələrdə sürətlə yayıldıqdan sonra insanlar qızı bu davranışına görə qınayaraq ona qəzəbləniblər. Qızının “sözündən çıxmayan” ata barədə isə mövqey dəyərləndirilməyib.

Məhəbbət Tərlanoğlu