Qobustanda FACİƏ: azyaşlı çipsidən zəhərlənib öldü - FOTO - YENİLƏNİB

Azərbaycan Respublikası Qida Təhlükəsizliyi Agentliyi (AQTA) çipsidən öldüyü iddia edilən uşaqla bağlı açıqlama verib.

Avtosfer.az xəbər verir ki, AQTA-dan hadisə ilə bağlı araşdırmalara başlanıldığı bildirilib:

"Baş verən hadisənin səbəbləri, həmçinin qida zəhərlənməsi olub-olmaması ilə bağlı Azərbaycan Respublikasının Qida Təhlükəsizliyi Agentliyinin mütəxəssisləri ilə müvafiq qurumların əməkdaşları tərəfindən araşdırmalara başlanılıb. Araşdırmaların nəticələri ilə bağlı əlavə məlumat veriləcək".

***

11:48

Azərbaycanda azyaşlı uşaq çipsidən zəhərlənərək ölüb. 

Avtosfer.az xəbər verir ki, bu barədə sosial şəbəkələrdə məlumat yayılıb. 

Qeyd olunur ki, hadisə Qobustanda baş verib.

Turqut adlı azyaşlının çipsidən zəhərlənərək öldüyü iddia olunur. 

(lent.az)