Rəis müavininin sürücülük hüququ məhdudlaşdırıla bilər

Hadisə 6 May 2024 21:54 Oxunub 384
Rəis müavininin sürücülük hüququ məhdudlaşdırıla bilər
WhatsApp kanalımıza abunə ola bilərsiniz

"Azərbaycan Xəzər Dəniz Gəmiçiliyi" ASC-nin tabeliyində fəaliyyət göstərən Xəzər Dəniz Neft Donanmasının rəis müavini Mahir İsgəndərov barəsində inzibati iş başlanıb. Qaynarinfo-nun məlumatına görə, Mahir İsgəndərova qarşı İnzibati Xətalar Məcəlləsinin (İXM) 529-cu maddəsi ilə ittiham irəli sürülüb.

Bu maddə yol hərəkəti qaydaları əleyhinə olan inzibati xətaların, yaxud bu İXM-in 353.2-ci maddəsində nəzərdə tutulan inzibati xətanın törədilməsinə görə inzibati cərimə növündə inzibati tənbeh tətbiq etmə haqqında qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsi ilə bağlıdır. 

Maddədə inzibati cəza növü kimi nəqliyyat vasitəsini idarə etmək hüququnun 6 aydan 1 ilədək müddətə məhdudlaşdırılması nəzərdə tutulur. İş baxılması üçün Qaradağ Rayon Məhkəməsinə göndərilib. 

Rufan Mürsəlov iş üzrə hakim təyin edilib. 

Mahir İsgəndərov 2022-ci ildə "Donanmanın fəxri işçisi" döş nişanı ilə təltif olunub.

ŞƏRH YAZ
Ad

E-mail

Şərh