Şagirdlərə hücum edən məktəbli saxlanıldı – VİDEO

Rusiyanın İstintaq Komitəsi hadisənin detalları barədə məlumat yayıb.

Avtosfer.az “Qafqazinfo”ya istinadən bildirir ki, insident zamanı üç məktəbli, eləcə də bir müəllim xəsarət alıb.

Hücum edən şagird məktəbə çağırılan Rusiya Milli Qvardiyasının əməkdaşları tərəfindən saxlanılıb.

13 yaşlı şagirdin məktəbə özü ilə bıçaq, çəkic və saxta tapança gətirdiyi də məlum olub.

Bununla yanaşı, həm məktəbdə, həm də həmin şagirdin evində axtarış aparılıb.

Hadisə ilə bağlı araşdırma aparılır.

**

Rusiyanın Çelyabinsk şəhərində məktəblərin birində şagirdlərə silahlı hücum edilib.

Avtosfer.az xəbər verir ki, bu barədə Rusiya Teleqram kanalları məlumat yayıb.

Məlumata görə, 13 yaşlı şagird əlində çəkiclə məktəblilərin toplandığı yerə hücum edib və zərbələr endirməyə başlayıb.

Zərbələr nəticəsində 3 şagird yaralanıb. Onlardan birinin vəziyyəti ağırdır. Vəziyyəti ağır olan şagird reanimasiyaya yerləşdirilib.