Şəhər yaxınlığında atışma: 3 polis yaralanıb

ABŞ-nin İllinoys ştatının Dikson şəhəri yaxınlığında atışma nəticəsində 3 polis əməkdaşı yaralanıb. APA xəbər verir ki, bu barədə yerli polisə istinadən “Associated Press“ məlumat yayıb. Bir nəfərin intihar cəhdi ilə bağlı əraziyə gələn polis əməkdaşları onunla danışıqlar aparıblar.

Daha sonra evə daxil olan asayiş keşikçiləri açılan atəş nəticəsində yaralanıblar.

Polisləri yaralayan şəxs cavab atəşi ilə yaralanıb və saxlanılıb.

Bütün zərərçəkənlər tibbi helikopterlərlə xəstəxanaya çatdırılıb.