Silahlı toqquşma zamanı 7 nəfər yaralanıb

Türkiyənin Adana şəhərində bərbərxanada iki qrup arasında silahlı toqquşma olub. Avtosfer.az yerli KİV-ə istinadən xəbər verir ki, hadisə Seyhan rayonunda qeydə alınıb. Hadisə zamanı 7 nəfər xəsarət alıb. Əraziyə polis və təcili tibbi yardım əməkdaşları cəlb edilib. Yaralılar xəstəxanaya yerləşdirilib.Hadisənin səbəbi məlum deyil. Polis şübhəlilərin saxlanılması üçün əməliyyata başlayıb.