Skuterçiyə hücum çəkən sürücünün üzərində odlu silah olub? - DİN-dən AÇIQLAMA

Dünən Avtosfer.az saytında “Velosiped zolağına girən sürücü skuter sürənə zor tətbiq etdi” başlıqlı xəbər dərc olunmuşdu. Xəbərdə skuter sürücüsü 99-VH-999 qeydiyyat nişanlı “Hyundai” markalı avtomobilin sürücüsünün ona zor tətbiq etdiyini iddia etmişdi.

Avtosfer.az-ın əldə etdiyi məlumata görə, skuterçi ona hücum çəkən sürücünün üzərində odlu silahın da olduğunu və bunu gözü ilə gördüyünü iddia edir. Elşən adlı vətəndaş bununla bağlı DİN-in 102 xidmətinə məlumat verdiyini bildirir.

Məsələ ilə bağlı Avtosfer.az-ın sorğusuna cavab olaraq Daxili İşlər Nazirliyinin Mətbuat Xidmətindən bildirildi ki, Elşən adlı vətəndaşın müraciətinə əsasən Nəsimi Rayonu Polis İdarəsində araşdırma aparılır.

Məhəbbət Tərlanoğlu