Suraxanıda 60 yaşlı qadını avtomobil vurdu

Bakının Suraxanı rayonunda piyadanın xəsarət alması ilə nəticələnən yol-nəqliyyat hadisəsi baş verib.

Avtosfer.az report-a istinadən xəbər verir ki, Hövsan qəsəbəsində avtomobil yolu keçən 1964-cü il təvəllüdlü Həmidova Sevil Amanşah qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.