"Tesla" salonunun dayanacağında 20-dən çox avtomobil yandı

Fransanın Marsel şəhərinin yaxınlığında avtomobil salonunun dayanacağında 20-dən çox "Tesla" avtomobili yanıb.

Avtosfer.az Oxu.az-a istinadən xəbər verir ki, bu barədə BFMTV telekanalı məlumat yayıb.

"Le-Pen-Mirabo şəhərində "Tesla"nın avtomobil salonunun dayanacağında baş verən yanğın nəticəsində bu markanın 24 avtomobili məhv olub", - deyə materialda qeyd olunub.

Yanğın söndürüldükdən sonra, dayanacağa dəymiş ziyana baxmayaraq, avtomobil salonu işini adi qaydada davam edib.