Yandırdığı "Ferrari"yə görə vergi ödəməyən bloqer həbs edildi - FOTO

ABŞ-nin Tennessi ştatında hüquq-mühafizə orqanları məşhur bloqer, "WhistlinDiesel" kimi tanınan Kodi Detuayleri həbs ediblər. Avtosfer.az Oxu.az-a istinadən xəbər verir ki, bloqer 2023-cü ildə "Ferrari F8 Tributo" avtomobilinin alınması ilə bağlı vergidən yayınmada ittiham olunur. 27 yaşlı Kodinin dediyinə görə, o, 2020-ci il istehsalı avtomobili 400 000 dollara alıb və yandırıb. Belə ki, bloqer çox bahalı avtomobillər üçün "dözümlülük sınağı" təşkil etməklə məşhurlaşıb. Yutuber hazırda 20 min dollar girov müqabilində azadlığa buraxılıb, lakin o, noyabrın 19-da məhkəmə qarşısına çıxacaq.

Qeyd edək ki, onun "YouTube" kanalının 10.1 milyon abunəçisi var.