Yasamalda budanmış ağac bir gün sonra kəsilib - Yenilərinin əkiləcəyi bildirilir - FOTO

Paytaxtın Yasamal rayonu, Zivərbəy Əhmədbəyov küçəsində ağac məhv edilib.

Bu barədə izləyici Avtosfer.az-a fotoşəkillər göndərib. O bildirib ki, bir gün öncə budanan ağac kəsilib. Ağacın kəsilməzdən öncə çəkilmiş fotosunda budaqlarının yaşıl olduğu halda məhv edildiyi görünür.

Bakı Şəhər Yaşıllaşdırma Təsərrüfatı Birliyindən verilən məlumata görə, şəhərin bütün rayonları üzrə quru və qəzalı ağaclar budanır və ya kəsilir.

Qurum, görülən işin Ekologiya və Təbii Sərvətlər Nazirliyinin rəyi əsasında aparıldığını bildirirərək payız aylarında kəsilmiş ağacların yerində yenilərinin əkiləcəyini qeyd edib.

Nərmin