Yolu keçmək istəyən 39 yaşlı qadını maşın vurdu - YENİLƏNİB

27.10.2025-ci il tarixində saat 09:10 radələrində 1986-cı il təvəllüdlü şəxs (qadın) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub. 

Avtosfer.az xəbər verir ki, bu barədə TƏBİB məlumat yayıb.

Bildirilib ki, sol biləyin tipik yerdən sınığı diaqnozu təyin edilən pasiyentə ilkin tibbi yardım göstərilib. Vəziyyəti qənaətbəxş qiymətləndirilən şəxs ambulator müalicə üçün evə buraxılıb.

***10:00

Gəncədə qadın yol qəzasında xəsarət alıb.

Avtosfer.az unikal-a istinadən xəbər verir ki, hadisə şəhərin Mirzə Abbas Abbaszadə küçəsində baş verib. Belə ki, 1986-cı il təvəllüdlü Könül Quliyeva yolu keçmək istəyən zaman avtomobil onu vurub. Qadın xəstəxanaya yerləşdirilib.

Fakt araşdırılır.