Zaqatalada ev yandı

Zaqatalada yaşayış evi yanıb.

Avtosfer.az xəbər verir ki, Zaqatala rayonu Aşağı Tala kənd sakini 1957-ci il təvəllüdlü Əzizov Abdulla Hacı oğluna məxsus yaşayış evində yanğın hadisəsi baş verib.Yanğın yerinə Zaqatala YMH-nin texnikaları cəlb olunub.

Yanğın zamanı ümumi sahəsi 90 k/m olan yaşayış evinin çardağı və  daxilindəki əşyalar tamamilə yanıb. Evin qalan hissəsi yanğından mühafizə olunub.