Zərdabda körpəsini avtomobildə dünyaya gətirən qadının və övladının durumu açıqlandı - VİDEO - YENİLƏNİB

Zərdab rayonunda həkiməqədər doğuş hadisəsi yaşayan ananın və dünyaya gələn körpənin son vəziyyəti açıqlanıb. 

Zərdab Rayon Mərkəzi Xəstəxanasından bildirilib ki, sentyabrın 25-i saat 10:30-da 2001-ci il təvəllüdlü hamilə doğuş sancıları ilə əlaqədar RMX-nin Doğum evinə müraciət edib.

"Doğuş prosesi yolda olarkən anidən başladığından proses Doğum şöbəsinin həkim heyəti tərəfindən tibb müəssisəsinin həyətində tamamlanıb.

Bu, qadının dördüncü hamiləliyi idi. Onun boyu 46 sm, çəkisi 2 kiloqram 300 qram olan oğlan övladı dünyaya gəlib. Tibb müəssisəsinin Doğuş şöbəsində yerləşdirilən zahıya və körpəsinə zəruri tibbi xidmətlər göstərilib. Zahı qadından və körpədən lazımi laborator analizlər götürülüb, ultrasəs müayinəsinə (USM) cəlb olunub və hər ikisinin vəziyyəti nəzarətdə saxlanılır.

Ana və körpənin müalicələri müvafiq şöbədə davam etdirilir, hər ikisinin vəziyyəti qənaətbəxş qiymətləndirilir", - deyə məlumatda bildirilir.(oxu.az)

***

Zərdab rayonunda həkiməqədər doğuş hadisəsi yaşanıb.

Avtosfer.az oxu.az-a istinadən xəbər verir ki, bu barədə videogörüntü paylaşılıb.

Belə ki, hamilə qadın xəstəxanaya aparılarkən doğuş sancıları başlayıb və o, tibbi müəssisəyə çatmadan körpəsini avtomobildə dünyaya gətirib.

Hadisə zamanı qadının yanında ailə üzvləri olublar. İlkin məlumata görə, həm ana, həm də yenidoğulmuş körpənin vəziyyəti qənaətbəxşdir.