Niyə 32 dişimiz var?

Yetkin bir insanın ağzında normal şəraitdə 32 daimi diş olur. Bu dişlər sadəcə say baxımından bütöv bir sistem yaratmır, onların hər biri fərqli funksiyalar yerinə yetirir. Belə ki, ön hissədə yerləşən kəsici dişlər qidaların kəsilməsinə kömək edir, köpək dişləri isə onları qoparmaq funksiyasını yerinə yetirir. Arxa hissədə yerləşən kiçik və böyük azı dişləri isə qidaları əzərək həzmə hazır vəziyyətə gətirir.

Bəs 32 rəqəminin səbəbi nədir?

Avtosfer.az "Bizim.Media"ya istinadən insan anatomiyasının sirlərindən birini təqdim edir:

İnsan çənəsinin ölçüsü və qidalanma tələbatı nəzərə alındıqda, 32 diş çeynəmə səmərəliliyi baxımından ideal say hesab olunur. Dişlərin daha az olması qidaların parçalanmasını çətinləşdirə bilər, daha çox olması isə çənədə sıxlıq yarada bilər. İnsan anatomiyası zamanla həm çənənin ölçüsünə, həm də qidalanma vərdişlərinə uyğun şəkildə inkişaf edib. İnsanların qidalanma tərzi, çənə quruluşu və təkamül prosesinin nəticəsində formalaşan bu sistem qidaları ən səmərəli şəkildə çeynəməyimizə imkan verir. Ağzımızdakı 32 diş isə bunu təmin edən ən uyğun say hesab olunur.