3 alimin proqnozu yalan oldu: DÜNYANIN SONU GƏLMƏDİ 

1960-cı ildə məşhur “Science” jurnalında çoxlarının təəccübünə səbəb olan məqalə dərc edilir. 

Avtosfer.az xəbər verir ki, İllinoys Universitetinin əməkdaşları olan 3 astrofizik məqalədə dünyanın sonu barədə proqnoz verir. Proqnoza görə 13 noyabr 2026-cı ildə dünyanın sonu olacaqdı. Bu tarixədək yer əhalisinin sayı ifrat dərəcədə artacaq və insanlar bir-birini məhv edəcəklər. Onların hesablamaları əhalinin artım tempinə əsaslanırdı.  Təhlil nəticəsində tədqiqatçılar 13 noyabr 2026-cı il tarixi ilə bağlı yekdil fikrə gəldilər.

Alimlər 2026,87±5,5 il formulunu irəli sürmüş, lakin konkret gün göstərməmişdilər. O dövrün qəzetləri yazırdı ki, fiziklər simvolik tarix axtarıblar. Bu da 13 noyabr 2026-cı il, cümə gününə təsadüf edib.

Hazırda yer kürəsində 8,3 milyard insan yaşayır. 2080-ci illərdə say 10 milyard nəfəri keçəcək və bundan sonra azalma gözlənilir. Məşhur məqaləni aşağıdakı linkdən oxumaq və yükləmək mümkündür:

https://www.science.org/doi/10.1126/science.132.3436.1291?referrer=https%3A%2F%2Fwww.actu-alt-plus.com%2F