Polis istidən əziyyət çəkənləri belə sərinlədir - FOTO

Avropada adətən etiraz aksiyalarının yatırıllmasında tətbiq olunan təzyiqli su şırnaqlarından indi başqa məqsədlə istifadə edilir.

Avtosfer.az xəbər verir ki, anomal istidən əziyyət çəkən sakinlərə və turistlərə kömək üçün Almaniya polisi havaya yüksək təzyiqli su çiləyir. Prosesdur ilk dəfə Berlinin tanınmış məhəllələrindən olan Brandenburq qapıları, Reyxstaq və Potsdam meydanında tətbiq olunub. Gün ərzində 9 ton su sərf edilib.

Yerli sakinlər və turistlər polisin bu addımını təqdir etsələr də, həkimlər başqa fikirdədirlər. Klaudiya Hoffman bildidir ki, soyuq duş yaxşı ideya deyil, orqanizmə əlavə yük yaradır. Temperaturun aşağı düşməsi qan-damar sistemini yükləyir. Həkim isti havada soyuq deyil, ilıq duş qəbul etməyi tövsiyə edir.

Qeyd edək ki, Almaniyanın bəzi ərazilərində ötən həftə 42 dərəcə Selsi temperatur qeydə alınıb. Bu da ölkə üçün tarixi rekorddur.

Vüqar