150 təyyarə ilə təlim başlayır

Finlandiya, Norveç və İsveçin Hərbi Hava Qüvvələri mayın 29-dan iyunun 9-dək ən böyük “Arctic Challenge” 2023 təlimini keçirəcək.

Avtosfer.az-ın verdiyi məlumata görə, bu hərbi təlimlərə planlaşdırma və rəhbərlik üçün cavabdeh olan Finlandiya Hərbi Hava Qüvvələri rəhbərlik edir.

“Təlimdə 14 ölkənin silahlı qüvvələrinin 3000-ə yaxın hərbi qulluqçusu və 150 təyyarəsi iştirak edəcək”, - məlumatda deyilir.

Təlimlərdə Finlandiya, Norveç və İsveçlə yanaşı, Hollandiya, Belçika, Böyük Britaniya, İtaliya, Kanada, Fransa, Almaniya, İsveçrə, Danimarka, Çexiya və ABŞ nümayəndələri də iştirak edəcək.

Təlimlərdə NATO nümayəndələri də öz AWACS təyyarələri ilə iştirak edəcəklər. Tədbirlərdə həmçinin nəqliyyat təyyarələri, yanacaq dolduran təyyarələr də iştirak edəcək.

Lent.az