17 yaşlı gənci güllələyən polis üçün yardım toplanır

Fransada 17 yaşlı gənci avtomobilində öldürməkdə təqsirləndirilən polisə ictimai dəstək müşahidə olunur. 

Avtosfer.az-ın xəbərinə görə, polis barədə həbs qətimkan tədbiri seçildikdən sonra onun ailəsinə dəstək üçün onlayn kampaniya başlayıb. Kampaniyada məqsəd 50 000 avro toplamaq idisə, artıq toplanmış vəsaitin miqdarı 1 milyon avronu keçib.

Məsələyə siyasi qüvvələr də münasibət bildirib. İfrat sağlar bu kampaniyaya dəstək verib. Sosialist partiyası isə kampaniyanı tənqid edərək onun dayandırılmasını tələb edib. 

Maraqlıdır ki, Sarı gödəkçəlilər hərəkatı vaxtı polisə sillə vuran aksiyaçıya onlayn dəstək aksiyası qanunazidd hesab edilərək dayandırılmışdı. Bu dəfə isə prokurorluq hərəkətə keçməyə tələsmir.