19-cu əsrə aid qeydiyyatda olmayan abidə - FOTO

Fotodakı türbə Ağdaş rayonunun Dəhnəxəlil kəndində yerləşir. 19-cu əsrə aid tikili kifayət qədər yaxşı vəziyyətdədir, ciddi bərpa tələb etmir. Lakin məsələ bu deyil. 
Uşaqlığımın keçdiyi bu kənddə, evimizdən 100 metr aralıdakı bu abidənin qeydiyyatda olmamasını təsadüfən öyrəndim. Mədəniyyət Nazirliyinin tərtib etdiyi “Azərbaycandakı tarixi abidələrin milli qeydiyyatı sistemi”ndə  kəndimizə aid heç bir abidə yer almır. Halbuki bu türbə və 19-cu əsrdə tikilmiş başqa bir məscid yerli əhəmiyyətli abidə qismində qeydiyyata alına bilər.  

Bu məsələni işıqlandırmaqda məqsədim heç də hansısa dövlət qurumunu tənqid yox, əksinə onlara kömək etməkdir. Qeydiyyata alınan abidələrin çoxluğu regionun turizm potensialına müsbət təsir edən amillərdəndir. Həm də, bu abidəyə gedən yol da yaxşı vəziyyətdədir, bir sözlə tarixi abidə əlçatandır. Onun qeydiyyata alınması zənnimcə böyük çətinlik yaratmaz.