9 yaşlı qız 4 yaşlı bacısı ilə "maşın qaçırdılar" - Okeanda üzmək üçün

ABŞ-ın Yuta ştatında 9 yaşlı qız və kiçik bacısı Kaliforniyaya çatmaq üçün valideynlərinin avtomobilini oğurladılar və daha sonra evlərindən 16 km aralıqda bir yük maşını ilə toqquşdular. Xoşbəxtlikdən uşaqlar xəsarət almayıblar.

Lent.az xəbər verir ki, bu barədə NYP məlumat yayıb.

Məlumata görə, uşaqlar öz əməllərini “okeanda üzmək” istəyi ilə izah ediblər.

Polis bildirir ki, 9 yaşlı qız 4 yaşlı bacısı ilə maşını “qaçırıb”. Avtomobilə ciddi ziyan dəyib və hüquq-mühafizə orqanlarının əməkdaşları evakuator çağırmalı olublar.

Polis bacıların təhlükəsizlik kəməri taxdıqlarını və bu səbəbdən xəsarət almadıqlarını qeyd edib.