ABŞ döyüş gəmilərini Karib dənizi bölgəsinə göndərdi

ABŞ prezidenti Donald Trampın narkotik kartelləri ilə mübarizə üçün Karib dənizi bölgəsinə hərbi birləşmələr göndərmək qərarından sonra bir sualtı qayıq və 7 döyüş gəmisindən ibarət dəniz qrupu bölgəyə yola düşüb.

Avtosfer.az xəbər verir ki, Venesuela ilə ABŞ arasında gərginliyin artması fonunda ABŞ narkotik kartelləri ilə mübarizə aparmaq üçün Karib dənizi regionuna öz ordusunu yerləşdirir.

ABŞ dəniz qüvvələrinin Cənubi Karib hövzəsinə səfər etdiyi təsdiqlənib.

ABŞ-ın bölgəyə 7 döyüş gəmisi və bir sualtı qayıq göndərməsinin gərginliyi daha da artıra biləcəyi bildirilir.

Qeyd edək ki, ABŞ prezidenti Donald Tramp bir müddət əvvəl Latın Amerikasındakı narkotik kartelləri ilə mübarizədə ordunun gücünün artırılması və daha səmərəli istifadə edilməsini nəzərdə tutan sərəncam imzalayıb.