Bakı-Sumqayıt qatarlarında biletlərlə bağlı yenilik - ADY kartının üstünlükləri nədir?

“Azərbaycan Dəmir Yolları” Qapalı Səhmdar Cəmiyyəti (ADY) rəqəmsal ödənişlərin genişləndirilməsi, köşklərdə və kassalarda növbələrin aradan qaldırılması və kağız istifadəsi nəticəsində ətraf mühitə dəyən zərərin qarşısının alınması məqsədilə iyulun 1-dən Abşeron dairəvi dəmir yolu xətti üzrə hərəkət edən qatarlara kağız biletlərin satışını dayandırıb.

Bu gündən etibarən Abşeron dairəvi dəmir yolu xətti üzrə sərnişindaşımada ödənişlər ADY kartları və ya NFC-ni dəstəkləyən bank kartları ilə həyata keçirilir.
Bəs ADY kartının üstünlükləri nələrdir? 

Avtosfer.az üstünlükləri təqdim edir:
- Kağız bilet almaq üçün kassalarda növbələrə ehtiyac qalmayacaq.
-Kartın balansını öncədən artıra biləcəksiniz. 
- Kağız biletlərdən istifadənin minimuma endirilməsi ətraf mühitin mühafizəsini dəstəkləyir.
- ADY kartları ilə gediş haqqı kağız biletlərin qiymətindən 10 qəpik ucuzdur.
- İstədiyiniz zaman ADY kartını kassalara geri qaytararaq kartın dəyərini və balansındakı məbləği geri ala bilərsiniz.