Ağır qəza törədib qaçan sürücü saxlanıldı

Lənkəranda ölümlə nəticələnən yol qəzasını törətməkdə təqsirləndirilən sürücü saxlanılıb.

Axar.az xəbər verir ki, faktla bağlı Cinayət Məcəlləsinin 263.2-ci maddəsilə cinayət işi başlanıb və hadisəni törətməkdə şübhəli bilinən “Hunday” markalı avtomobilin sürücüsü Əli Rufullazadə istintaqa təhvil verilib.

Qeyd edək ki, Lənkəran rayonu Sütəmurdov kəndinin ərazisində Ə.Rufullazadənin idarə etdiyi “Hunday” markalı avtomobillə N.Turabovun idarə etdiyi VAZ -2106 markalı avtomobil toqquşub. Nəticədə VAZ -2106 markalı avtomobilin sürücüsü xəstəxanaya çatdırılsa da dünyasını dəyişib, sərnişin Ü.Hüseynova isə xəsarət alıb.

Faktla bağlı Lənkəran ŞRPŞ-də araşdırma aparılır.