“Air Moldova” aviaşirkəti uçuşların dayandırılmasını iyunun 16-dək uzadıb

Moldovanın "Air Moldova" aviaşirkəti bazar ertəsi uçuşların dayandırılmasının iyunun 16-dək uzadıldığını elan edib.

Avtosfer.az xəbər verir ki, bu barədə aviaşirkətin saytında yerləşdirilən məlumatda bildirilir.

"Air Moldova" aviaşirkəti uçuşların dayandırılmasını 2023-cü il iyunun 16-dək uzadıb. Uçuşları ləğv edilən sərnişinlər bilet alarkən göstərdikləri elektron poçt ünvanına uçuşun ləğvi ilə bağlı bildiriş alıblar. Sərnişinlər biletin qiymətinin tam geri qaytarılmasını tələb edə bilərlər", - deyə məlumatda bildirilir.

Bundan əvvəl aviaşirkətin rəhbərliyi maliyyə problemlərini həll edəcəyini və mayın 15-dən uçuşları bərpa edəcəyini gözlədiyi barədə bəyanat yaymışdı.

Trend