Ali Məclis sədri Naxçıvanın ali vəzifəli şəxsi sayılmayacaq

Naxçıvan Muxtar Respublikası Ali Məclisinin sədri Naxçıvan MR-in ali vəzifəli şəxsi sayılmayacaq.

Avtosfer.az xəbər verir ki, bu, “Naxçıvan Muxtar Respublikasının Konstitusiyasında dəyişikliklərin təsdiq edilməsi haqqında” Azərbaycan Respublikası Konstitusiya qanununun layihəsində əksini tapıb.

Layihəyə əsasən, Naxçıvan Muxtar Respublikasının ali vəzifəli şəxsinə dair 5-ci maddə Konstitusiyadan çıxarılacaq. 

Qüvvədə olan Konstitusiyanın 5-ci maddəsinə görə, Naxçıvan Muxtar Respublikası Ali Məclisinin sədri Naxçıvan Muxtar Respublikasının ali vəzifəli şəxsidir.