Almaniyada rus nömrəli avtomobillər müsadirə oluna bilər

Aİ-nin sanksiya rejiminin pozulması halında Almaniyada rus nömrəli avtomobillər müsadirə oluna bilər.

Avtosfer.az xəbər verir ki, bu barədə ölkənin gömrük idarəsinin nümayəndəsi Andre Lenz bildirib. O, qeyd edib ki, müxtəlif malların “birbaşa və ya dolayısı ilə alınması, Aİ-yə idxalı və tranzitlə keçirilməsi” qadağandır. Bunlara minik avtomobilləri də daxildir.
Bundan əvvəl bəzi KİV-lər Almaniyaya daxil olmaq istəyərkən Rusiya nömrəli avtomobillərin saxlanılması ilə bağlı səkkiz məlum hadisə barədə məlumat vermişdilər.
“Gömrük malların idxalı, ixracı və tranziti sahəsində Aİ-nin Rusiyaya qarşı sanksiyalarına əməl olunmasına nəzarəti həyata keçirir. Fiziki şəxslərin daxil olması zamanı mümkün sanksiyalar pozuntuları aşkar edildikdə, gömrük orqanları öz səlahiyyətləri daxilində hərəkət edirlər”, - deyə Lenz əlavə edib.

Leyla