Alp dağlarında qar uçqunu 4 nəfərin həyatına son qoydu

Alp dağlarında qar uçqunu nəticəsində 4 nəfər ölüb, bir neçə nəfər yaralanıb.

Bu barədə bazar günü Fransanın daxili işlər və xarici ərazilər naziri Cerald Darmanin bildirib.

“Uçqun günün ortalarında Alp dağlarında Armansette buzlaqında baş verib. İlkin məlumatlara görə, 4 nəfər ölüb, bir neçə nəfər xəsarət alıb. Xilasedicilər işlərini davam etdirirlər”, - o, “Twitter”də yazıb.

Məlumata görə, axtarış-xilasetmə əməliyyatına iki helikopter, həmçinin çoxlu sayda xilasedici və texnika cəlb olunub. (oxu.az)