AYNA-da Heydər Əliyevlə bağlı tədbir keçirildi - FOTO

2023-cü il Azərbaycanda ”Heydər Əliyev İli” elan olunub.

Ulu öndər Heydər Əliyevin anadan olmasının 100 illiyi münasibətilə Azərbaycan Yerüstü Nəqliyyat Agentliyində (AYNA) tədbir təşkil olunub. “Müstəqil Azərbaycan Respublikası Heydər Əliyev dühasının şah əsəridir” adlı tədbir Dövlət himninin səsləndiriliməsi ilə başlayıb. 
 
Avtosfer.az xəbər verir ki, AMEA-nın Arxeologiya, Etnoqrafiya və Antropologiya İnstitutunun baş direktoru, Tarix elmləri doktoru, professor, Beynəlxalq Elmlər Akademiyasının akademiki Abbas Seyidov eyniadlı mühazirə ilə çıxış edib. Bildirilib ki, dahi şəxsiyyət Heydər Əliyev Respublikaya rəhbərlik etdiyi bütün dönəmlərdə iqtisadiyyatın hər bir sahəsinə, o cümlədən nəqliyyat sferasına böyük diqqət və qayğı göstərib.