Azərbaycan İLK DƏFƏ hərbi təyyarə alır... - VİDEO

Xəbər verdyiimiz kimi, Azərbaycan hərbi hava qüvvələrinin arsenalına İtaliyadan hərbi nəqliyyat təyyarələri alır. Müdafiə Nazirliyi C-27J Spartan təyyarəsinin tədarükünə dair İtaliya tərəfi ilə kontrakt imzalayıb.

Hərbi ekspert Azər Bayramov deyir ki, bu təyyarələr mürəkkəb coğrafi relyef və əməliyyat şəraitində müdafiə və mülki müdafiə missiyalarını yerinə yetirərkən özünü beynəlxalq təcrübədə doğruldub.

Ən çətin coğrafi relyef və əməliyyat şəraitində özünü sübut etmiş C-27J Spartan təyyarələri geniş çeşidli müdafiə və mülki müdafiə missiyalarını yerinə yetirməyə qadirdir. Bu, hərbi nəqliyyat missiyaları, paraşütçülərin və materialların havadan atışları, taktiki qoşun dəstəyi, xüsusi təyinatlıların əməliyyatları, humanitar yardım və fəlakətlərin nəticələrinin aradan qaldırılması üçün ideal hesab olunur.

Qeyd edək ki, "C-27J Spartan" bazarda ən effektiv nəqliyyat təyyarələrindən hesab olunur. Yükgötürmə qabiliyyəti 11,5 tondur. Hərbi hava gəmisinin uzunluğu 22,7, qanadlarının eni 28,7, hündürlüyü 9,64 metrdir. Maksimum sürət 602 km/saatdır. Təyyarənin ekipajı iki nəfərdən ibarətdir. Burada 60-a qədər əsgər, 46 paraşütçü və ya 6 nəfərlik xərəklərdə 36 yaralı daşımaq mümkündür.