Azərbaycan Ordusunun Laçın və Kəlbəcərdəki mövqeləri atəşə tutuldu

Azərbaycan Ordusunun Laçın və Kəlbəcərdəki mövqeləri atəşə tutulub.

Bu barədə Avtosfer.az-a Müdafiə Nazirliyindən məlumat verilib.

Belə ki, iyulun 12-si saat 13:50-dən 17:00-dək Ermənistan silahlı qüvvələrinin bölmələri Qarakilsə rayonunun Qızılcıq və Basarkeçər rayonunun Yuxarı Şorca yaşayış məntəqələri istiqamətlərində yerləşən mövqelərindən Azərbaycan Ordusunun Laçın rayonunun Minkənd və Kəlbəcər rayonunun Mollabayramlı yaşayış məntəqələri istiqamətlərində yerləşən mövqelərini atıcı silahlardan fasilələrlə atəşə tutub.

Bölmələrimiz tərəfindən qeyd olunan bütün istiqamətlərdə adekvat cavab tədbirləri görülüb.