Azərbaycanda ambulansların nömrələri oğurlandı

Abşeronda təcili tibbi yardım avtomobilinin nömrələri oğurlanıb.

Daxili İşlər Nazirliyindən Avtosfer.az-a verilən xəbərə görə, Xırdalan şəhəri ərazisində yerləşən Təcili Tibbi Yardım Stansiyasına məxsus “QAZ-31” markalı avtomobillərin dövlət qeydiyyat nişanlarının oğurlanması barədə polisə məlumat daxil olub.

Abşeron rayon Polis İdarəsi əməkdaşlarının keçirdikləri əməliyyat tədbiri nəticəsində oğurluq əməllərini törətməkdə şübhəli bilinən Xırdalan şəhər sakini, əvvəllər də oğurluq və narkotiklərlə əlaqəli cinayətlərə görə məhkum olunmuş Elçin Rəhimov müəyyən olunaraq saxlanılıb.

Araşdırma aparılır.