Azərbaycanda dəmir yolu ilə sərnişin daşımaları 57% artıb

Azərbaycanda dəmir yolu nəqliyyatı ilə 2023-cü ilin yanvar-fevral aylarında 2,9 milyon ton yük, 964,1 min sərnişin daşınıb.

Dövlət Statistika Komitəsindən Avtosfer.az-a verilən məlumata görə, 2022-ci ilin yanvar-fevral ayları ilə müqayisədə yük daşınmasında 14.6%, sərnişin daşınmasında isə 57% artım müşahidə olunub.

“Orta hesabla sutkada 195 vaqon yüklənib, 406 vaqon isə boşaldılıb. Sutka ərzində dəmir yolunun Şimal istiqaməti üzrə 8.9 min ton, Qərb istiqaməti üzrə 1.7 min ton, Cənub istiqaməti üzrə isə 0,5 min ton yüklənmə işi yerinə yetirilib”, - məlumatda qeyd olunur.