Azərbaycanda sərnişin daşımaları 19% artıb

2023-cü ilin yanvar-aprel ayları ərzində yük və sərnişin daşımaları əvvəlki ilin eyni dövrü ilə müqayisədə müvafiq olaraq 5,9% və 19,2% artıb.

Dövlət Statistika Komitəsinin xəbərinə görə, nəqliyyat sektorunda fəaliyyət göstərən təsərrüfat subyektləri tərəfindən 71,2 milyon ton yük daşınıb. Yüklərin 3,7%-i dəniz, 8,3%-i dəmir yolu, 0,1%-i hava, 55%-i avtomobil nəqliyyatı, 32,9%-i isə boru kəməri ilə daşınıb.