Azərbaycanda vəzifəli şəxslər aeroportda əlbəyaxa oldu

Gəncə Hava Limanında vəzifəli şəxslər arasında dava olub. Avtosfer.az-ın Report-a istinadən xəbərinə görə, hava limanının Aviasiya Təhlükəsizliyi xidmətinin rəisi Akif Alıyev və Yerüstü xidmət sahəsinin növbətçi rəisi Elcan Babayev əlbəyaxa olublar. Dava zamanı onlar bir-birinə xəsarət yetiriblər.

Hadisə hər iki şəxsin xidmətdə olduğu zaman baş verib. A.Alıyev və E.Babayev arasında əvvəllər də mübahisə olduğu bildirilir.

İnsidentə polis müdaxilə edib. Hazırda fakt araşdırılır.