"AzParking" mobil tətbiqi bu tarixdən istifadəyə veriləcək - VİDEO - FOTO

Nəqliyyat vasitələrinin parklanmasının idarəedilməsi üçün mobil tətbiq - "AzParking" bu il avqust ayının 7-dən istifadəyə veriləcək.

Avtosfer.az xəbər verir ki, bunu parklanmanın idarəedilməsi üçün mobil tətbiqin təqdimatı ilə bağlı brifinq zamanı Azərbaycan Yerüstü Nəqliyyat Agentliyinin (AYNA) İdarə Heyyətinin sədri Anar Rzayev bildirib.

Onun sözlərinə görə, mobil tətbiq artıq hazırdır və onun istifadəyə verilməsi 7 avqust tarixində baş tutacaq.

Anar Rzayev qeyd edib ki, vətəndaşlar mobil tətbiqi cihaza yükləyərək, qeydiyyatdan keçərək ondan istifadə edə biləcək. “Elektron formada olduğu üçün burda ədələtlik prinsipini təmin edəcək. Nəticədə kimlərinsə küçələrdə parklanma yerləri təşkil etməsi, parkamatlar qoyması kimi suallara son qoyacaq.”

Anar Rzayev vətəndaşlardan bu yeni prosesi anlayışla qarşılamasını və dəstək verməsini xahiş edib.

AYNA-nın hərəkətin təşkili şöbəsinin rəisi Tərlan Səfərov yeni tətbiq barəsində məlumat verib. Şöbə rəisi tətbiqin istifadə imkanları barəsində danışıb. Bildirib ki, əlçatıtmlılıq təmin olnan proqramda vərəndaşlar əvvəlcədən balansa vəsait qoymaq, park yerini və vaxtını seçmək, artırmaq kimi funksyalardan istifadə edə biləcəklər. Tətbiq həm Azərbaycan həm də xarici dillərdə olduğu üçün şəhərimizin qonaqları da bundan rahat şəkildə faydalana biləcək.

Leyla