AzTU-nun 105 tələbəsi “Xaliq Faiqoğlu”nda təcrübə keçəcək - FOTOLAR

“Xaliq Faiqoğlu” şirkəti ilə Azərbaycan Texniki Universiteti (AzTU) arasında 2018-ci ildə imzalanmış əməkdaşlıq müqaviləsi əsasında universitetin daha 105 tələbəsi şirkətdə istehsalat təcrübəsinə cəlb edilib.

Avtosfer.az xəbər verir ki, universitetin Nəqliyyat və Logistika fakültəsinin tələbələri fevral-may ayları ərazində (70 iş günü) şirkətdə ixtisas-peşə hazırlığı ilə bağlı təcrübə keçəcəklər. Belə ki, proqramın yekununda tələbələrin nəqliyyat hərəkətliliyinin öyrənilməsi, nəqliyyat müəssisələrinin məhsuldarlığı, logitik zəncirin idarəolunma üsulları, sərnişin axınının analizi, marşrutlar üzrə hərəkət tərkibinin seçilməsi və sair mövzularda buraxılış işlərini hazırlaması nəzərdə tutulub. Sonda tələbələrə şirkət tərəfindən diplomlar təqdim ediləcək. 

Qeyd edək ki, “Xaliq Faiqoğlu” şirkəti 2018-ci ildən AzTU ilə sıx əməkdaşlıq edir. Geridə qalan müddət ərzində universitetin 288 tələbəsi şirkətdə təcrübə proqramlarına uğurla cəlb edilib. Şirkət ixtisaslı kadrların hazırlanması və işlə təmin edilməsi istiqamətində fəaliyyətlərini davam etdirir.